改造MIRROR好棘手 Jer爆成員互相猜忌
人氣高企的男團MIRROR，其中6子Alton、Frankie、Jer、Jeremy、Stanley及Tiger日前聯同梁祖堯接受訪問，梁祖堯從工作人員口中得知Ian最「棘手」：「Ian難搞㗎！唔理你、唔合作㗎！但喺個過程中佢變咗另一個人。」眾人大爆最先做喊包的是Jeremy和Frankie，取笑他們易被觸動。Jer則承認成員間曾有好多誤會，原因是缺乏溝通：「誤會唔講嘅時候，就會變成猜忌，如同AK、AL出道嗰年曾暗地比較成績。」Stanley就坦認見到其他成員有發展會傷心，但很快便釋懷。
Edan邋遢被離棄
而前晚播出的《調教你MIRROR》中，12成員齊齊入梅窩宿營，在沒收手機前，Jer發短訊提醒女友生理痛要記得食藥。到抽籤分房時，眾人坦言最怕跟邋遢的Edan共處一室，Edan自認有基本衞生，可是導師梁祖堯卻踢爆：「你鼻裏有鼻屎。」而遲到的Lokman則被罰展示底褲。
另外，昨日是Ian 28歲生日，除推出團體新歌《BOSS》當收生日禮物外，其粉絲團在觀塘為他舉行生日派對，會上有扭蛋機、影相區及派發應援物等，豪花30萬元。而一連13日的慶祝活動，約有700名粉絲參加。