家陣唔少藝人都作跨平台發展，日本寫真女優亦係一樣，佢哋積極進軍網絡界，誓要成為網絡紅人，好似相良朱音就係其中之一，最近佢仲拍片帶大家去酒店「爆房」添！
日本寫真界有好多高挑美人，亦有好多身形嬌小可愛嘅童顏巨乳，好似天木純、Ramu、長澤茉里奈咁，身高唔夠5呎，但係擁有一對又大又堅挺嘅巨乳，深深吸引住男士嘅眼球。除咗佢哋之外，今日同大家見面嘅相良朱音亦係嬌小童顏巨乳寫真妹。
今年25歲嘅佢，睇落可愛卜卜脆，面上仲帶點天真傻氣，同佢相處應該會充滿樂趣，唔使怕會你眼望我眼相對無言喇！雖然雙眼係就係細啲，但係由於佢成日都笑容滿面，討人喜歡之餘，仲會畀佢嘅開朗性格所感染。身材方面，小巧得嚟曲線誘人，上圍有對飽滿G奶，配合22吋水蛇腰，唔似得天木純同Ramu咁，矮小得嚟帶點肉感，難怪朱音自稱係最完美嬌小身材。
阿妹喺2016年出道，不過開頭唔係拍寫真，而係做舞台劇演員，初登場嘅舞台劇就係《十二怒漢》，之後佢繼續喺舞台劇界發展，更開始拍電影，作品包括《夫妻成長日記》，另外亦參加過選美活動「Miss YOUNG 2018」。2019年佢同好朋友組成樂隊REMAZE，發揮表演欲及歌藝才能，主要喺網上平台表演，可謂多才多藝。
最近佢仲經營個人視頻頻道，帶觀眾去到不同酒店享用服務同設施，盡情享受與別不同嘅體驗，不過就咁介紹當然吸引唔到觀眾支持啦，所以每次入到酒店房間後，佢都會換上性感泳衣酥胸半露示人，為大家帶來強烈嘅視覺刺激呀！
相良朱音性格開朗，絕不吝惜身材，最鍾意公諸同好，所以喺佢嘅社交網中，大家可以盡情欣賞佢嘅性感自拍相，必定可以大飽眼福啦！
網址：https://twitter.com/akane_sagara
年齡：25歲
身高：4呎10吋
三圍：34G-22-33
撰文：賢