馬浚偉靠黎瑞恩洗廁所
藝人馬浚偉及黎瑞恩（小恩子）等，前晚在葵涌綵排快將上演的舞台劇《男人40 CEO》。首次做舞台劇的小恩子獲馬浚偉讚進步神速，她說：「好緊張！自己最渣係講嘢，但今次全程要講嘢，相信唔多唔少都會發台瘟。」馬浚偉笑說：「最驚係望住你忍唔住笑『焗蟹』，見你入咗角色個樣真係好豬呀，哈哈！」
馬浚偉指舞台劇開10場，因場地限制7成半入座率，即使門票全數賣出亦要蝕錢：「蝕硬，大概冇咗廿幾萬，自己編導演亦冇人工，但賺番小恩子啲飯盒錢。佢仲幫我買埋廁紙、咖啡、洗廁所水，差啲幫我洗埋廁所，真係感動嘅！」小恩子笑說：「冇個女人係唔得（口架）！」
此外，小恩子提及早前發現胰臟生了兩粒良性瘤一事，她表示已決定放棄治療保持樂觀心情，不過後來再接受檢查時，腫瘤竟然消失了，連醫生也找不到答案。