蔡嘉欣被勸「圓滑啲」避箭

蔡嘉欣、何依婷、郭柏妍及麥詩晴等，昨日現身電視城為《開心大綜藝》綵排踢躂舞。嘉欣早前被網民鬧爆買狗仔，卻自稱是領養，她受訪時表示：「朋友係賣狗嘅，隻狗係佢畀我。（你冇畀錢？）少少啦，佢都要照顧隻狗，同埋打咗2支針嘛。（被轟助長狗場？）我屋企有4隻貓，其中2隻係收養，我本身係支持領養嘅。」對於屢受抨擊，她直言：「冇唔開心，訓練到自己堅強啲。我畢業就自己做生意，冇乜打過工、講嘢好率直，經理人都苦口婆心，勸我做人圓滑啲。」

何依婷保守拒着T-Back

至於何依婷自言對踢躂舞零經驗：「原來跳呢種舞好攰，試個每個鐘搽按摩膏，搽到冇晒感覺。（你被安排企中間喎！）如果運氣係實力嘅一種，我對自己有信心。」談到舞衣性感，她說：「短褲仔側邊開衩開到好高，着內褲要小心。（着T-Back啦！）我好保守，冇呢啲嘢呀！」

麥詩晴突然變白

而郭柏妍與麥詩晴坦言只得4日時間練舞，最難是跟上節奏，並讚拍檔鄧卓殷最有天分。郭柏妍表示每晚回家後都會穿襪繼續苦練，免得騷擾到樓下鄰居，又指鞋底鐵片不時刮傷腳，亦試過滑腳差點跌倒。

麥詩晴選港姐時皮膚偏黑，昨日卻「變白」，而且五官較之前標致，她解釋：「做咗好多美白，同埋食維他命C。（有冇打美白針？）唔敢，傷肝呀！唔會試。」