《老友記》喜重聚 馬修培利口齒不清舂眼瞓

捧紅女星珍妮花安妮絲頓（Jennifer Aniston）的90年代美國經典劇集《老友記》，粉絲多年來一直希望看到角色重聚，終於願望成真，《老友記：重聚篇》本月27日將於HBO Max首播。劇中6位主角包括馬修早前接受雜誌訪問宣傳，但其狀態引起網友熱議！

馬修拍攝《老友記》期間，一度沉溺毒品與酒精，留下不良影響，其後星運浮沉。他受訪時口齒不清，睡眼惺忪，更一度低頭「閉目養神」，疑似睡着！網友看過受訪片段後留言表示：「見到馬修咁真係令人心碎。」又有人感慨地說：「希望佢會好轉，當見到馬修咁，我唔知自己仲可唔可以好好享受睇佢哋重聚。」有人對馬修表現抱諒解態度：「我知道所有人都替馬修感傷心，但請大家記住，佢一直有好多健康問題，而佢之前亦因酒毒癮而困擾。就等所有人都仁慈同有禮，並記住佢透過Chandler個角色帶畀我哋所有歡樂嘅時刻，謝謝。」

Cara露底向珍妮花「致敬」

而《老友記：重聚篇》新預告片播出，6人重現曾經在劇中出現的問答遊戲，又重現經典噴水池背景，引爆劇迷集體回憶，他們坐定定觀賞由一眾紅星包括英國女模Cara Delevingne行時裝騷，當中Cara更穿上當年珍妮花角色穿過的同款娘爆粉紅伴娘裙，更露出橙色底褲，非常玩嘢！