C AllStar「集合」開騷 陳健安幫兄弟操肌
組合C AllStar自3年多前於紅館騷宣布休團後，今年7月底「集合」重返舊地再開騷，更是他們首次挑戰4面台︰「主題係圍繞集合，同時係集合番班Fans，互相畀正能量大家。（代表你哋之後會重組？）今年會完成一張有概念主題嘅專輯，但冇其他落實計劃，其實唔需要去特別定義仲需唔需要休團、單飛。」
一向大隻的陳健安（On仔）騷肌絕冇難度，今次他拖3位兄弟落水，化身教練命令各人操練︰「我會操背脊，釗峰操腹肌，Jase練Pat Pat，King就條腿個線條好好！」還踢爆King曾買女裝︰「佢個身形出去買褲，啲Stylist係當女裝咁買，條腿太幼！」