湯洛雯笑蕭正楠：你係咪唔得呀？
蕭正楠昨日與湯洛雯（靚湯）為古裝喜劇宣傳，他豪言劇集會是今年最高收視的古裝劇。靚湯則取笑他結婚多時一直未有喜訊：「你係咪唔得呀？」
藝人蕭正楠、湯洛雯、簡淑兒及蔣家旻等昨日在將軍澳電視城宣傳新劇《一笑渡凡間》，靚湯指新劇笑中有淚，加上近年公司較少古裝劇，對收視有一定期望，阿蕭更笑說：「有信心呢套劇成為今年最高收視嘅古裝劇，我哋攞埋『最受歡迎（古裝）男、女主角』添，哈哈。」劇中演員靚湯與魯振順皆有喜訊，靚湯取笑還欠阿蕭：「你係咪唔得呀？」阿蕭則笑說：「有分數，話唔定播完你有喜訊公布呢？」
講到昨日「520」，靚湯透露與男友馬國明每日保持視像對話，阿蕭則保持神秘，笑稱老婆黃翠如男仔頭，浪漫方面通常由他負責，靚湯笑說：「我哋就相反，我鍾意畀驚喜人。」阿蕭又讚翠如在節目《好聲好戲》的表現：「初頭都擔心阿Bob會唔會太搞笑，搵我好啲喎，但見佢哋排得好認真，表現得好好。」靚湯亦讚翠如投入得青筋暴現，阿蕭笑說：「所以我唔敢激嬲佢o架！」
簡淑兒古裝劇講Bye Bye
至於首次演古裝劇的簡淑兒拍攝時有不少蝦碌，包括講英文Bye Bye，但相信不會出街！劇中要勾引阿蕭的她笑說：「本來要除肚兜，但尺度問題變咗露腳，都見到少少膊頭嘅。」