怕校園欺凌 杜俊緯睇李小龍電影「打底」

中英混血荷里活演員杜俊緯（Jason Tobin）於2006年憑動作電影《狂野極速：飄移東京》為人認識，早前更宣布與前「邦女郎」Gemma Arterton合拍新劇，前途無可限量。18歲時他放棄讀大學，隻身闖荷里活誓要成為演員，儘管不被看好，又遭身邊朋友取笑，他仍堅持信念：「佢哋話咁多香港明星搬去嗰邊都唔成功，點解你覺得自己寂寂無聞但有機會做到？不過我唔理，一開始拍好多低成本電影，扮演角色對中國人嘅刻板印象，唔識講英文。」捱足近10年，終獲《狂》片華裔導演林詣彬（Justin Lin）賞識，但要數其最令人深刻的作品，必定是改編自一代武打巨星李小龍留下手稿的動作劇《戰士》（Warrior）。身為李小龍忠粉的他，從小就接觸偶像的電影，全因父親擔心他到英國留學遭同學欺凌，故先為他「打底」！當被通知試鏡獲選上，Jason直言夢想成真：「由細到大都睇李小龍嘅作品，但依家我好似都係佢傳奇人生其中一部分，真係好幸福！我只係一個香港平平無奇嘅男仔，冇諗過有夢想實現嘅一日。」