胡鴻鈞滿面傷痕自嘲整容
有傳食「回頭草」重返星夢懷抱的胡鴻鈞，明日推出新歌《整親》，將一直被指整容的話題擺上枱，以自嘲方式帶出就算飽受網絡欺凌、攻擊，都要堅守初衷的訊息。看來他為爭「星夢一哥」之位，不惜使出撒手鐧！
日前胡鴻鈞為新歌拍攝MV，期間換上多個造型，有戴眼鏡宅男Look、滿面傷痕慘樣、型仔樣瞓擔架床等。他坦言希望與音樂理念一致的唱片公司合作：「想公司Support到我想做嘅音樂，然後出碟，歌種又可以更多元化，唔一定係情歌。」問到重返星夢有否信心獨攬「一哥」之位？他謙稱：「最緊要得到公司信任同支持，從來只係想做好本分，以音樂回饋歌迷。」
「整親未嘗唔係好事」
新歌《整親》是其活生生的寫照，他選擇以自嘲方式重提整容一事，帶出每個人都會經歷過不同形式的批評：「諗咗好耐究竟有咩係我成日被大家討論嘅話題，就係整容，到依家都仲有人講。」問到是否看淡傳聞才自嘲？他笑言：「係，好似故事咁，依家大家再講我咩都冇乜所謂，有人討論好過冇人討論，我都係繼續Focus喺自己要做嘅嘢，甚至多謝大家討論我，繼續活好人生，有時『整親』都未嘗唔係一件好事，所以某程度上呢首歌，希望有種正能量畀唔同嘅人。」
他指宅男Look是代表網民：「大家喺屋企着得Casual啲，見到我對眼有兩盞燈射出嚟，就好似大家對我嘅凌厲目光。」又透露擔架造型有特別視覺效果：「五光十色嘅燈射落嚟，就好似代表輿論，全部朝住自己，希望呢個MV喺影像上能夠吸睛。」