蔡嘉欣反擊酸民：靠黐好慘！
前港姐蔡嘉欣之前網晒帶40萬現金出街的照片引來嘩然後，再上載身處峇里島Feel的高級餐廳，話可邊歎白酒，邊享受大自然。不過這個「人生一樂也」Post卻惹來「酸民」口誅筆伐，大鬧她「離地拜金」，又指富貴如港姐師妹陳楨怡也不會學她「炫富」，更何況嘉欣只是「冇錢專靠黐有錢人」？
面對網友負評，嘉欣處之泰然未有發「窮」惡，還留言發放正能量：「冇錢嘅人走去靠黐有錢人好慘！有錢人嘅錢都唔係自己嘅，咁不如自己努力工作賺錢。」之後Repost在限時動態，揚言以自食其力為目標：「女人一定要努力工作，靠自己賺番嚟嘅財富，先能夠帶到自由畀自己，有能力照顧自己，同時唔需要睇人哋嘅眼（面）色生活。」
陳詩欣幫口
陳詩欣留言力撐好姊妹努力又不拜金，安慰她不用理會閒言；亦有自稱是10年忠粉的網友代嘉欣向負評者「還拖」：「食鹽多過你食米！」另有Fans加入幫口：「嘉欣冇錢？佢去咁多旅行唔使錢？買咁多名牌包唔使錢？嘉欣嘅努力我哋有目共睹！」嘉欣見支持者眾為之感動，稱會為慣性被指拜金及身份不配作自我沉澱，更自勉自己人生自己交代，往後會努力、開心生活。