鍾培生23億豪宅 練武私竇
「工廈大王」鍾江海孫仔、家族擁百億資產的「富三代」鍾培生近日開頻道做節目，邀請張智霖和方力申到其淺水灣豪宅拍攝，令市值逾23億、面積萬呎連幾千呎的「擂台」花園豪宅曝光！鍾培生家有4部法拉利、10個工人、無數佳釀，有如香港版《璀璨帝國》的奢華生活，迅即成為網上熱搜。
現年30歲的鍾培生（Derek）與父母同住，豪宅樓高5層，設計時尚，有卡拉OK、巨型高跟鞋造型椅子、裸體畫像地櫃和駿馬奔騰的掛畫，樓梯旁放滿風水擺設。每次請客家中都好墟冚，他說：「70人食飯，一晚開過百支酒；60人大閘蟹宴，一晚食200隻蟹，只食膏不食肉。」花園最特別是建有大擂台，是他的專用運動區，自認毒男，2018年想學打拳改善手腳不協調問題，從此變成「陽光毒男」，2樓的健身室是他經常操練的地方。早前他網晒賣出黃色「比卡超」法拉利，原來已新購一部黃跑取代，以及重新掛上「比卡超」車牌，保持着3紅1黃共4部法拉利，每部價值由500萬至700萬不等。
Derek對父母非常孝順，今年鍾父生日，他送30萬相機鏡頭做禮物；2017年公司融資賺了1,000萬美元，給媽咪送300萬港元利是。他對支持者培生培心團隊一樣闊綽，送過90萬電子產品和50萬魚子醬，近日又送一車的花生油，他說：「講過會送車送樓，假設搵人教泊車片，拍完送車畀你，送樓，唔會送名下物業，梗係送新樓盤啦！」送過樓給女友嗎？他卻說：「送樓我會覺得戇居，我鍾意用心做手作，之前我執導拍過一齣微電影《完美人生》，裏面有講我送過啲心思畀一個女仔。」片中男主角就是他的化身，送朱古力蛋和鑽石戒指氹女友。
自爆曾跳脫衣舞
他拍過5次拖全部頂級女神，現時單身，擇偶條件「樣靚、身材正、聰明」，自認最大缺點是將愛情量化、計算，他認乞人憎：「我都想揀個Package好嘅女仔，我要ABCDE，但女仔畀到ABC，咁我就畀ABC佢，你冇後面啲嘢，點解要畀咁好嘅嘢你呢？你又唔係咁有姿色、學識同聰明，點解要咁多嘢呢？如果你係天使女神，我畀足你。」又透露遇過「心機女」。他不介意認癲、活躍過活躍症，自爆15歲時在銅鑼灣衝過對面公路，跳脫衣舞，又常在家無故大叫，自爆：「我可能未進化，內裏有啲野獸DNA。」