姜濤唔信邪 恨同譚詠麟合作
姜濤、呂爵安（Edan）及盧瀚霆（Anson Lo）3兄弟昨日「打對台」，各自出席公開活動。姜濤為韓風打卡展覽站台，明顯較前消瘦，他靦腆地說：「喺台灣肥咗8kg，依家瘦番都未達花姐要求，未敢上磅住。（演唱會有冇飛債？）我冇乜朋友咋！（畀乜驚喜粉絲？）會表演一樣樂器。（譚詠麟讚你EQ高，想合作？）有機會梗係好，多謝前輩留意。（網民話驚佢燈死你。）我唔信啲邪嘢嘅。」
Edan在戶外舉行活動，吸引逾300粉絲到場。問到可擔心「人群聚集」？他說：「冇得擔心，交番畀經理人同大會處理，我喜出望外嘅。（演唱會有乜驚喜畀大家？同Anson Lo咀？）可以(口架)！其實喺港版《大叔的愛》最後場戲，我同佢玩到好癲，咀到四唇交疊。（邊個益邊個先？）我益佢，阿媽話我蝕底晒。」而Anson Lo出席商場活動時，坦言已賺到第1桶金：「對我嚟講1萬蚊都算係，諗住演唱會後買飾物畀自己，然後買條鏈畀媽咪。」