大15年都OK！馮盈盈想要大叔的愛
堪輿學家麥玲玲現身節目時批算馮盈盈於未來10年事業運會更上一層樓，還取笑她趁麥美恩不在港而「取代」主持工作，理應封大利是給對方，又指盈盈為了婉拒追求者的約會，竟主動要求情人節到其家拜年，麥玲玲說：「盈盈年齡層好廣泛，林盛斌話介紹50幾歲嘅Uncle畀佢，同佢爸爸差不多大。」盈盈即笑說：「證明我老少咸宜！識多個朋友啫，依家鍾意年上男多過年下男，大我15年之內都可接受。」
同場的劉佩玥去年經歷患病生蛇、揸車又幾乎發生意外，笑指踏入新一年，不如意的事情將一掃而走，問到頻頻「出事」會否趁機攝太歲？她說：「我唔係好識呢啲，不過對自己有信心，好多時差啲出意外就會有天使出現，好似劉穎鏇同丁子朗。（係咪財多身子弱？）唔係啦！不過小病是福，所有嘢我都搞得掂。（緋聞男友周志文係其中一位天使？）一定係，佢係好朋友嘛！好多時都關心我。」