敖嘉年爆焦媛多人追

前晚藝人敖嘉年邀請焦媛擔任網上直播音樂會的嘉賓,齊齊Jam歌,他說:「有次無意間睇到佢嘅舞台劇宣傳片,邊跳芭蕾舞邊唱王菲嘅歌,一聽就愛上。」焦媛表示受疫情影響,舞台劇工作停了1年,前晚是她由2020年初至今首次出席的公開活動。

她表示今次有別於舞台劇唱Live,自嘲是「處女唱」:「心情好緊張,首次做網上音樂會,仲要有Live Band。」回復單身的她可想有桃花運?她即轉話題:「好呀!觀眾緣嘛!做我哋呢行係要觀眾緣。(姻緣呢?)隨緣啦。」敖嘉年踢爆她有不少追求者,焦媛即耍手擰頭否認:「我都唔出街。」