張智霖趕返港慶祝 袁詠儀收「瓷燈」賀瓷婚
影后袁詠儀（靚靚）與丈夫張智霖（Chilam）明年相識30年，2月8日是他們結婚20周年，本在深圳開工的Chilam，4號成功趕返香港準備慶祝，「瓷婚」當日，兩口子分別在社交網放閃，靚靚上載與老公不同時期的合照，留言「謝謝張先生」，認真Sweet爆！不少好友送禮祝福「永遠的愛情」，當中包括鮮花及二人「定情作」的古裝造型立體蛋榚。
談到朋友的心意，靚靚開心說：「其實朋友衷心祝福，我已經好開心，如果一定要揀，我會揀蔡一智太太送嘅禮物，佢真係好有心，幾個月前已經訂瓷造燈送畀我哋。」她本打算舉行派對「與眾同樂」，可惜被疫情打亂計劃：「出年意義都好重大，依家初步計劃將派對順延到出年。（結婚周年嗰晚點慶祝？）好開心係個仔肯陪我哋，平時佢唔肯，一家三口慶祝好滿足喇！」