張沛樂買風車轉運趕走是非
宅男女神張沛樂（沙律）去年捲入桃色風波，爆出與組合ERROR成員吳保錡撻着，男方卻被指與前度未斬纜，令她背上「小三」之名。但兩人愈難愈愛，即使愛苗剛萌芽便飽受抨擊，但她坦然面對且問心無愧。
趁農曆新年將至，她到黃大仙祠買風車求轉運，希望趕走是非！她指現階段與男友相處舒服，能做回自己，並為男友發聲：「可能大家唔太認識佢，佢有時喺電視上講嘢好輕佻，好易令人覺得佢信唔過，但我知佢邊句真、邊句假，佢係一個真性情嘅人。」對於戀情不被外界看好，她直言：「好多人諗鹹濕嘢，覺得保錡同我一齊一定因為我波大，但太膚淺啦！」她更透露在新年首次見家長，實行融入家中：「我覺得好難得，我哋屋企都屬於比較嚴，但雙方家人都好支持，喺最困難逆境見到真正嘅朋友、屋企人。」談到新年大計時，她透露牛年將有更多拍劇機會，更預告相隔3年再推出寫真集。