陳山聰骨頭脆唔敢應戰 推舉吳卓羲上陣
對於曾志偉昨日正式於電視城上班，視對方為「阿爸」的藝人陳山聰表示還未見到對方，更笑說：「見到『獎門人』梗係第一時間叫佢請食飯，佢由我入行睇住呢隻馬騮成長，佢都好幫我，希望盡快可以同佢喺公司見面！」談到志偉有意搞大型街舞節目，他自嘲年紀大骨頭脆，建議由兒子契爺吳卓羲上陣。
而昨日山聰與姚子羚出席無綫收費台節目《師父有請》記者會，將首年與兒子度歲的他，表示因疫情關係不會帶兒子出外拜年：「太太封閉式唔畀個仔出街，除非出去打針，小朋友唔可以戴口罩，出街都危險，所以今年媽咪會嚟我屋企拜年。」而子羚對於好友李施嬅宣布婚訊，表示一早獲悉對方訂婚，更指已見過對方未婚夫：「佢係一個事業有成、認真工作同心地善良嘅人，識講廣東話同英文。（咁你快啲啦！）感情事隨緣。（話你翻撻前度Raymond？）今日唔講啦！講施嬅啦！」