歌手連詩雅被爆多次霸用屋苑訪客車位，被住客多次投訴，昨晚她出席無綫活動受訪時不停「耍冧」，自爆一早被公司「照肺」，亦自知有錯︰「係自己大頭蝦，因為架車冇油，急住要做啲嘢趕返屋企，唔記得打電話去管理處講聲，不過依家已經處理咗件事，畀番時租泊車錢，今次係我自己處理得唔好，令其他住客不便，下次會小心啲。」
她承認的確曾犯錯數次，對此再三致歉。被問到汽車沒油如何揸走？她說︰「係得番好少油，嗰刻真係好趕時間，遲晒到。」
