鄰近「受限區域」!杜大偉食店停業避疫

新冠肺炎疫情繼續爆發,昨日凌晨政府劃了佐敦一帶為「受限區域」,居民要實施禁足令,杜大偉及莊思明經營的星級食肆亦遭殃;而「池家」抗疫有法可安全開工。

有份參演無綫劇《愛.回家之開心速遞》的杜大偉跟朋友合資4間私房菜餐廳,其中1間位於佐敦區,不過與「受限區域」有段距離,他昨日受訪時表示為求客人安心,佐敦分店將暫停營業:「本身佐敦同觀塘分店嘅廚房負責提供外賣,依家佐敦舖停業,全部外賣集中晒喺觀塘分店。(生意如何?)都係守住啦!」

藝人莊思明的食肆跟「受限區域」只有1街之隔,她指會密切留意情況再決定下一步:「暫時仲OK,本身都係做外賣為主,堂食一向少做,但如果之後油尖旺疫情仲係控制唔到,舖頭會休息幾日,因為都擔心員工。」續說希望疫情快點過去,大家都身體健康。

至於去年6月於佐敦、油麻地一帶開清酒零售及批發店的翟威廉,表示雖然批發店與「受限區域」相隔2條街,但仍然有開舖:「影響唔算太大,防疫措施做足,之前都做過檢測,前日收到短訊係冇確診。」又指疫情在油麻地、佐敦區爆發後,過去1個月試過整天零街客,幸好有做網上批發生意,未至蝕到入肉。

「池美麗」拍劇做足防疫措施

另外,有指《愛》劇日前於深水埗九江街及醫局街交界拍攝,與深水埗指定檢測區域只隔一條馬路,而當日拍攝的演員有「池美麗」鍾凱琪、「池子孝」阮政峰及「池富」王俊棠一家3口,加上幕後工作人員約10多人,令不少人擔心眾人有感染風險。王俊棠受訪時報平安,力撐公司不是「搵演員較飛」,透露當日拍攝位置是「池家」樓下的主場景:「同受影響區域有少少距離,身處位置亦好空曠、空氣好流通,大家都做足防疫措施,所以覺得唔大問題,而且明白拍劇係要連戲。」鍾凱琪則表示一停機,都會保持社交距離及戴口罩:「因為成日都要出去拍攝,所以有定期做深喉唾液測試。」而阮政峰回覆指會跟足指示安全工作。