崔碧珈火山拍戲嗌凍

藝人崔碧珈早前到外國拍攝一部意大利及法國合拍的電影《Follia》,預計今年內推出,今次是她首度監製,自言好玩兼獲益良多:「因為我主要講法文對白,除咗背劇本以外,仲要不停練法文。」她坦言過程絕不輕鬆:「我哋喺意大利一個火山取景,當地天氣好凍,但我嘅戲服係春裝同夏裝,要全身貼晒暖包先得,否則擔心講對白會凍到口震!」

片中演員來自俄羅斯、法國及意大利等,她說:「大家用多國語言溝通,又會透過音樂交流,因為拍攝現場有座古董鋼琴,有幾名演員都識彈,大家會聚埋一齊彈琴唱歌,氣氛好好!」