莊思明嚴格把關 林秀怡力保員工飯碗

莊思明及林秀怡分別在佐敦及旺角開設燉湯店及餐廳，思明昨日受訪時指店舖位於白加士街，幸而向來多做外賣生意，店內亦只得6個位，而且近鬧市，所以生意未受太大影響：「我哋一直有叮囑員工小心啲，會要求佢哋勤洗手同紮起頭髮，亦唔可以除口罩，同埋盡量避免同客人近距離接觸。」又指每日開舖前，員工都會為舖面進行消毒工作。
餐廳生意受挫，林秀怡決定推出更多新菜式吸引食客。
餐廳生意受挫，林秀怡決定推出更多新菜式吸引食客。

至於林秀怡經營的西餐廳主打手工意粉及薄餅，在禁聚令及禁晚市堂食措施下，生意額暴跌5成！近日旺角被列為重災區，經營可謂雪上加霜，她受訪時表示：「人流少咗，冇人食嘢，生意一定更受影響。雖然晚市禁堂食，但我哋堅持照常營業做外賣，因為員工要搵食，佢哋都有家庭，身為僱主要出糧養活佢哋。（有咩對策？）大家共度難關，同行都受影響，冇辦法。依家會加推更多甜品、麵包等唔同食品擴闊客路，希望有幫助。」

莊思明與楊明合資，本月剛在太子開分店。
  • 莊思明與楊明合資，本月剛在太子開分店。