江伊晴閉門造雞氹老公
江伊晴（Elanne）受疫情影響，未能陪老公Oscar旅行慶生，不過同樣花足心思炮製驚喜。曾自稱不做家務、是正牌「家居垃圾」的她，前晚親自下廚，其中「米酒雞」更是為老公而設，她受訪時說：「我上網同請教老爺、奶奶點整，練習咗幾日！」問到可會努力造人，送BB做禮物？她表示會順其自然。
Elanne「閉門造雞」，Oscar心存感激：「老婆本來係所有食物嘅剋星，會將好新鮮嘅食物變成罐頭貨。不過啲廚藝突飛猛進，就算唔好食，我都會食晒以作鼓勵！」又晒命指老婆每日送上愛心早餐，就是牛油搽方包，記者笑言「麵包餐」可以與張敬軒的外傭「遮遮」相比，他說：「可以鍊吓喎！不過老婆次次都跌到成地麵包糠，要我掃地囉！」