蔡思貝等埋胡鴻鈞慶祝

入行7年的蔡思貝，憑《踩過界II》中「癲姐」一角摘下視后，受訪時自言整晚感覺似發夢，問到可覺得自己年資輕？她說：「我從來冇諗過用幾多年時間去攞視后，但呢個都係目標，頭先喺後台見到監製，話見到我進步好多，好開心，因為我真係好努力、好用心去做人，呢條路一直都唔容易。（3年前講過唔鍾意自己？）依家鍾意喇！會愛錫自己！」由於禁聚令關係，她將留家與父母慶祝。談及緋聞男友胡鴻鈞獲「最受歡迎電視歌曲」獎，會否齊齊慶祝？她笑說：「佢係音樂獎，唔同範疇。（唔預佢？）又唔會，大家係朋友，頭先見到佢都有叫我加油。」