劉威煌實體騷隨時撻Q
歌手劉威煌前晚舉行網上音樂會，透露4月會在麥花臣舉辦實體騷，惟疫情下隨時變陣：「1,600張票賣晒，自己梗係想做場Full house，但我Book定4日，最差情況係分2場做。得一半觀眾係唔Enjoy、唔好玩，但如果都唔得就惟有延期。」又笑言不心急開騷，免得成為「演唱會群組」。
他透露現時靠旗下3間珍珠奶茶店生活，每月個人收入有4萬，計劃5月再開新店。續指沒有辭退任何員工，新店租金相宜，裝修則靠朋友。
他與許廷鏗同是第一屆《超級巨聲》出身，直言戥對方首奪叱咤男歌手金獎開心，又有感而發：「佢講嗰句好好，話『多謝聽眾，仲有人肯聽音樂。』係好難(口架)，難到爆！」