- on.cc 東網主頁
- 3月28日 (五)
演員謝東閔、謝嘉怡、游嘉欣和鄧佩儀等，昨日為《明珠930》宣傳，謝東閔表示知道空少楊銘熙搵女友朱智賢問意見：「佢有打電話問朱朱跳舞啲嘢。（佢話想同朱朱合作？）好事，開心佢哋可以喺TVB合作。」而他最近愛上煮嘢食，問女友愛哪些菜色，他笑說：「朱朱乜都食！（邊個煮得叻啲？）佢都有煮，但我煮多，呢期興男人煮！」
至於謝嘉怡身在英國的父母，因當地疫情嚴重而未能來港，她說：「原本12月9號嚟。（擔心？）會呀！佢哋繼續返工，見好多人。（打咗疫苗未？）未啊！（自己過年寂唔寂寞？）有姑媽、嫲嫲喺度，同埋我要上堂學戲，冇時間悶。」
童心未泯的游嘉欣化身動畫《反斗奇兵》的角色亮相，原來她是《哈利波特》迷，問現實中可有遇上壞人？她說：「冇喎！可能我精靈，壞人接近唔到我。（咁有冇遇過人渣？）我睇住佢對人哋『人渣』，但就『人渣』唔到我。」她又表示不捨得劇集《香港愛情故事》：「始終係我第1個劇，幕前幕後相處得好好，好似大家庭，有續集就好。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
