何依婷收埋「裸女」 畀阿媽審

憑「是非精」上位的何依婷笑言，有年收到裸女滑鼠墊，大感尷尬：「係幾年前嘅事，即刻收埋唔畀屋企人發現，但最後都畀阿媽執房時見到，我好似小朋友做錯事咁，喺廳度畀人問，我解釋唔係我買，係唔小心抽中，最後都扔咗，因為擺喺屋企會繼續畀人鬧死！」

蔡嘉欣收「鐘」嫌嘈

落選港姐蔡嘉欣則透露，最無奈收到「警車」響鐘：「收到呢個毫無意義、冇實用性、響嗰陣又好Annoying（擾人）嘅禮物，最後冇用過，依家唔知擺咗喺邊，哈哈！」應屆港姐亞軍陳楨怡則認為公仔最唔實用：「收過最差嘅禮物係熊Bear Bear，因為我屋企已經有太多，最後捐咗畀人，所以唔好再送公仔畀我！」

而郭子豪難忘收到現金券：「有年最低Budget係100蚊，但我好好人，買咗200、300蚊嘅禮物，點知抽到100蚊超市現金券，非常無奈，但都實際嘅。」