老公出衫支持 梁麗翹真空晒「胸器」

無綫節目《東張西望》主持梁麗翹形象斯文，近日竟激罕拍攝一輯性感照，真空穿西裝外套晒「胸器」！她透露這輯相是為了突破及挑戰自己：「以前好介意人哋點諗自己，但呢幾年人大咗、成熟咗，知道冇辦法取悅全世界，所以構思咗一個同平時完全唔同嘅形象。」問到老公有何睇法？她笑指對方非常喜歡：「佢好Proud我有勇氣求變，仲借咗大學畢業嘅西裝畀我着住影相添！好開心有位星級造型師朋友同我一齊構思，影完覺得好滿足！」