黃翊大牌檔焗蝕
歌手黃翊前晚應邀開Live獻唱，坦言沒有酬勞。自從疫情反彈後，他暫停開Live與粉絲互動：「之前試過搵嘉賓煮嘢食、DIY手作仔，仲搵咗張乒乓波枱同J.Arie切磋，點知大家唔欣賞，留言叫我快啲唱歌！」他又表示今年被迫過「不一樣的聖誕」：「留喺屋企，或者同個仔行山。（冇太太份？）冇辦法，佢唔行得（山），不過佢都成日揸電單車去買嘢，只係人多嘅地方要小心。」
談及其飲食生意，他無奈說：「大牌檔係食鑊氣，夜晚冇得堂食梗係大影響，為咗養住班員工，我哋改咗晨早開工做茶水，午餐炒飯，到下午3點幾就收工，反而茶餐廳生意OK。（拉上補下唔使蝕？）大牌檔好難打成平手。」