38歲前亞視藝人伍偉樂婚後4年抱4，育有3子1女，早前獲邀全家拍攝消毒清潔用品廣告。拍攝當日，他要照顧全家上下，相當踢腳，並笑言行內人都知道：「小朋友同狗、拍到你嘔！」他表示今次拍攝是太太安排，因該公司近半年都贊助他全家的清潔用品，故酬勞亦只是象徵式收車馬費，他說：「雖然控制現場都幾難搞，但一家人齊齊整整拍攝有個留念，完成後大家都好攰，但係好開心！初頭以為只係網上播，後來見到電視播，好多朋友都留意到，連個仔返學上堂Zoom時，都跟同學仔分享拍廣告嘅事！」
