Odilia遭《全民》圍插 諗過做傻事！

組合Bingo成員Odilia在《全民造星III》30強止步，節目中慘被網友鬧爆「八婆」、「跳唱唔掂」甚至人身攻擊，飽受壓力的她決定畫塗鴉宣洩，牆上盡寫網友的批評。回想這段大受打擊的日子，她坦言心情跌入谷底，一度討厭監製花姐與導師彭秀慧：「覺得點解剪接後播出街嘅自己，係個態度好差嘅藝人！」更哭訴當時想過自殺：「試過有一刻見到個窗想跳落去！」最後全靠朋友及公司同事開解，才沒再鑽牛角尖：「明白到自己各方面嘅不足，諗深一層，真係要感激花姐同彭秀慧嘅批評，對自己愈狠、進步先會愈快！」