王浩信做反派 靠舊棉花增氣場

今次飾演大反派的王浩信，挑戰性甚大，笑言連自己也討厭劇中角色：「角色係販賣兒童嘅罪犯，有段好悲慘嘅經歷，令人物背景演得豐富兼有層次，有好多發揮空間，我覺得好吸引。最難忘係個角色要喺嘴唇上方塞塊棉花，令個嘴唇好似揭開咗，當然化妝師有幫手去配合呢個效果，令我無論講嘢同成個樣都受到呢個妝容影響，出嚟個氣場變得唔同，連我自己都憎佢。」
王浩信演大反派，笑言自己都睇到憎！
王浩信演大反派，笑言自己都睇到憎！

而飾演張智霖瘋狂粉絲的高海寧，更為角色設計造型：「我個角色係四眼妹，紮咗條辮仔，我特登喺鼻樑加啲雀斑，令造型更加可愛。」而編審陳十三亦讚高海寧及王浩信雖然只是客串，但演技及投入感十足，非常專業。

高海寧於劇中可愛又傻氣。
  • 高海寧於劇中可愛又傻氣。