朱凱薇獲劉佩玥教路減肥出戰
由無綫舉辦的《衝上雲霄大選》昨日公布參賽者名單，前Square成員李傑志、麥明詩緋聞男友盛勁為及劉佩玥師姐朱凱薇均成功殺入大選，被批偏肥的朱凱薇自言會努力減磅，更獲劉佩玥在賽前教路；而李傑志講明比賽當晚不會唱歌跳舞，拒行舊路。
無綫破天荒舉辦的《衝上雲霄大選》定於本月26日舉行，對撼ViuTV的《全民造星III》總決賽，昨日無綫安排15位參賽者現身記者會，當中包括上次有份面試的李傑志（Brian）、盛勁為及朱凱薇（May），3人成為賽前大熱。
曾被網友批評身形偏肥的May稱現時積極備戰中：「我努力練習才藝，身形上都會努力，會進步畀大家睇。（到時要着三點式？）當然唔係。」她又指獲劉佩玥給予不少支持：「佢畀咗好多意見我，叫我淡定同自信啲。」對於節目要跟《全》打對台，問到會否有信心贏收視？她說：「唔係我可以控制到，我會盡自己最大努力去做，唔理輸贏，盡咗力就問心無愧。」
李傑志入圍 5千蚊未到手
Brian透露入圍的5千元仍未到手：「無綫都提供咗Catwalk同跳舞訓練，唔會爭在5千蚊。」問到會否覺得自己有演藝經驗較着數？他認為是更大包袱：「我以前係組合，今次想同之前唔同，所以仲有難度。當晚有才藝表演，但我唔會唱歌跳舞，唔係Square。」而從事航空業10年的混血兒機長麥大力，以及只有1年機艙服務員經驗的史穎喬，前者稱有信心，後者表示首次上電視兼參賽，會叫自己要鎮定。
另外，空姐「翻版朱智賢」吳洛汶在社交網上載不少靚相，除了制服誘惑外，還有白雪公主造型及泳裝騷身材！仍任職空少的「大隻尹子維」陸煥恆兼職健身教練，在社交網有不少爆肌相。