英國疫情仍然嚴重，不過英國前超模姬摩絲（Kate Moss）的同父異母妹妹Lottie Moss卻懶理當地禁聚令，與5名好友日前在倫敦一間豪華餐廳夜蒲隊酒！22歲的她更驚死冇人知，在社交網開live與兩名女友人輪流濕吻。
有粉絲留言問她們如此親密會否怕感染新冠肺炎？友人回答：「我哋係超級播毒者！」Lottie亦跟住講：「我哋係新冠肺炎超級播毒者。」更唔知衰向粉絲說：「唔好畀任何人話你知點做，你後生又有趣，而你可以有最好嘅時光，做任何你想做嘅嘢。」她又公開在下唇內的紋身，紋上「Daddy」一字向父親Peter Edward Moss致敬。