黃妍歌念故友
唱作歌手黃妍近日推出新歌《寂靜的回聲》及其國語版《你還在》，她指是送給台灣的一位故友，盡訴思念︰「曾經同佢約定之後要再去台灣演出，但估唔到佢意外過身，覺得好似虧欠咗佢，所以就寫呢首歌，每次唱都崩潰落淚，感覺佢真係好似喺我身邊聽住。」
她指新歌兩個版本代表不同階段︰「廣東版加咗好多生命力、希望，就好似過後回想番成件事，釋懷又成熟咗好多，試過同一時間聽呢兩首歌，聽《你》會爆喊，但一聽到《寂》就會覺得好溫暖。（鍾意邊個版本？）兩個都鍾意，但錄《你》嗰陣有忍唔住喊，呢首歌嘅靈魂好強，要時間去克服唱Live。」入行一年便可舉行首個售票音樂會，她感觸說︰「第一次踏上舞台係幫小塵埃嘅音樂會做暖場嘉賓，依家變成主角勁開心，希望大家見證我蛻變。」