林夏薇繼續開新食店

面對防疫措施收緊，食肆生意大受影響，健身中心、美容院及按摩中心等更要關閉14日，不少星級老闆叫苦！去年與友人合資於尖沙咀開設美甲店的寶珮如，面對新一輪停業問題，她無奈說：「我哋應該撐唔住，唔做o架喇！唔知好彩定唔好彩，一開舖就先遇到社運，之後再有疫情，呢年生意一落千丈，每個月都蝕好多錢。」而今年10月開完按摩店又做食肆老闆的蘇麗珊，今次突然雙重打擊，只能配合：「大家嘅安全最緊要，我其實都少咗出街，希望疫情快啲過去。」提到與Super Girls成員Yanny合資的東南亞餐廳，蘇麗珊表示會做好餐廳的清潔：「同埋着重番做外賣。」至於在將軍澳開台式餐廳的黃美棋，坦言再次晚市禁堂食，生意大受影響：「前排我哋附近開咗個大型新商場，已經搶走唔少生意，依家雪上加霜。」