楊玉梅扮美人魚 畀個殼嚇窒

前亞姐楊玉梅最近客串一集《愛．回家之開心速遞》，更以美人魚造型上陣，但因為原本的造型太性感而被嚇窒。她昨日受訪時說：「以為搞笑戲，點知原來係扮美人魚，但造型太性感，胸前得2個殼，覺得誇張，怕一把年紀畀人笑，後來導演話搵錯衫，最後改咗一個低胸裝造型，都好靚！」對於演戲，楊玉梅稱愛多元化，相反性感就覺得要適可而止，並笑說：「人大咗，着太少布會尷尬！（角色挑戰？）其實做演員，都想好多挑戰，好想畀人發掘自己嘅搞笑天分，我唔介意扮醜，或者演舞小姐、男人都可以！」