諸葛紫岐習慣佗B行得快

「薛王妃」諸葛紫岐昨日出席b+ab x Evangelione FW13 Crossover Collection Pop-up store及聯乘布偶展覽，腹大便便的她透露自己已懷孕30多周，愈來愈習慣，所以行得比之前快。她笑言BB是開心BB：「成日不停郁。（係百厭仔？）都幾開心活躍。（係男仔？）好快會知，下次講好唔好？」她表示自己和老公都很滿意小朋友的性別。問老爺奶奶是否滿意BB性別？她指二人覺得無所謂：「佢哋好忙，有孫湊已經開心，最緊要開心健康。奶奶畀好多意見我，佢話32周已經生得，但醫生話足月會好啲，我會開刀生。（幾時停工？）行唔到咪喺屋企囉。（老公仲畀你出嚟？）其實佢唔鍾意，不過最緊要我開心。」