拍拖6年「被分手」謝文欣求婚箍煲失敗
在無綫劇集《愛．回家之開心速遞》中飾演「Tyson」的謝可逸，爆出背着拍拖6年的歌手女友謝文欣，搭上失婚CEO人母Jathy。承認半年前「被分手」的謝文欣，自爆曾「求婚」圖挽救感情，碰巧最近推出新歌《沉船》，諷刺的是歌如人生，她說：「曾經有衝動想講，不如我哋結婚由頭嚟過，不過溝通過後，對方覺得分開對雙方更好，最後有共識分開。所以我錄《沉船》成個禮拜好似抑鬱咁，喊又喊唔出，返到屋企又對住四面牆，當時除咗靠自己，都好多謝朋友同屋企人陪我。」
疑患抑鬱症
回想失戀的日子，謝文欣表示終日以淚洗面，更一度懷疑患上抑鬱症，她說：「就算喺好多人嘅地方都忍唔住流淚，我記得分手第2日要開工，搭港鐵時聽歌聽到流晒眼淚，返到公司坐喺度睇稿又喊，拍檔見到都唔知點安慰我。其實已經半年，都要走出（情傷）啦！但我去到每個地方，仲會記得我同佢嘅回憶，所以真係要時間沖淡。」
去年離開星夢轉投天盟娛樂的她，今年推出3首歌曲，明年新歌也陸續有來，她稱目標是有首大熱K歌。她曾因沒錢畀家用而對家人有愧疚：「屋企人覺得我工作最緊要開心，佢哋見我今年有啲嘢做，Keep住有歌出，自然冇咁擔心。」