陳家樂錫住Shiga唔敢送抱
藝人陳家樂跟女友連詩雅（Shiga）的戀情漸趨「地面化」，男方出席活動時不經意洩「蜜」，透露會跟女友打機過聖誕，又貼心話會送公仔做禮物，以免弄傷Shiga！而港姐冠軍謝嘉怡就指今年首次和家人留港過聖誕，暫時未有追求者。
陳家樂與謝嘉怡昨日現身東港城的聖誕活動，自稱遊戲王的家樂試玩巨型夾公仔機，用了4枚硬幣才「中獎」，喜獲公仔的他不禁笑說：「好彩咋！幾驚要褫奪我個『遊戲王』封號！」
聖誕節將至，記者打趣指今年是家樂跟女友Shiga拍拖後的首個聖誕，笑問是否想過2人世界？他怕醜話：「打足球Game。（Shiga打機叻？）佢都叻嘅。」抑或揀男友最叻？他爆笑「求饒」：「唔知呀！答唔到你！」不過他就Sweet爆話會送公仔給女友：「個個都會買，一視同仁！（攬你就攬唔到公仔？）攬公仔『毛鬙鬙』舒服啲，攬我呢啲『骨杉杉』唔好。（攬真人有體溫暖啲喎！）唔好啦！」提到前度余香凝將於本周六結婚，家樂大方送上祝福：「恭喜佢！我衷心祝福佢搵到一個可以行到尾嘅人。」
湯怡重視求婚承諾
首年留港過佳節的謝嘉怡，興奮透露聖誕會跟嫲嫲、姑姐、表妹慶祝，而身在蘇格蘭的父母就約1月中來港。談到她參選港姐前曾任手術室護士，笑問過往聖誕節是否於手術室度過？她笑說大多有假放：「朝早起身就食雪糕做早餐，之後就會睇聖誕電影，夜晚同屋企人食飯，嗰邊過聖誕就好似過中國新年咁。」她又自爆單身約3、4年，現階段沒察覺有追求者，笑指可能廣東話不夠好。
另外，家樂跟湯怡添食再拍英皇珠寶婚嫁廣告，家樂表示希望跟未來太太有同款婚戒，好像時刻陪伴對方；而湯怡就自言重視承諾，希望求婚鑽戒是有誠意的誓言，並指接受旅行結婚。