Odilia多「巴打」唔識收兵
女子組合Bingo成員Odilia入行幾年零緋聞，問到可渴望拍拖？她笑言：「恨就不嬲恨，但隨緣，冇得強求。我係嗰種feel到佢係就係，唔啱channel嘅話我會拒絕，所以我唔識收兵，唔會人哋嚟approach你就唔知點拒絕。我會直接話當佢係朋友，我唔鍾意啲奇奇怪怪曖昧感覺，所以我身邊有好多brother。」
她坦言一直都有人追，但都不太適合自己。問到她的擇偶條件？她笑言：「起碼正正常常先，但係人都鍾意靚嘢，哈哈。不過最緊要係心地善良，諗嘢方向都緊要，正氣、陽光、思想積極會好吸引我。」她視台灣型男王陽明為「男神」：「佢同老婆好sweet，一放假就會湊小朋友，佢哋兩個又有共同興趣。」