藝人Maria Cordero（肥媽）的丈夫Rick日前因癌症逝世，閉關多日的她前晚「現身」，上載短片感謝親友的關愛及相伴，短片上載不足1天，瀏覽次數超過63萬次。片中她提起亡夫時多度哽咽爆喊，更指愛犬很有靈性，日夜相陪。近年愛在網上直播的她，指丈夫其中一個遺願是想她繼續下廚及做直播。
她邊哭邊說：「老公係喺半日之內，4號入院、5號就走，係佢話要入院，同個孫講埋電話，咁就瞓覺（逝世），佢好安詳，我都估唔到，嚟得太突然，佢真係修得到（福）。佢臨走時叫我多啲同朋友家人一齊，因為佢見病時，我成日照顧佢少出街。佢叫我記得做live，知我鍾意煮嘢食，知我做（直播）會好開心，佢話會睇，所以我燒埋iPad畀佢，雖然佢係天主教。我唔覺得佢走咗，太突然，傷心一定有，呢排搞埋後事先。」