鄭俊弘嫌太快 想婚禮搞多幾日
初為人夫的鄭俊弘休息1天後，昨日即到電台受訪，他說：「結婚嗰日時間過得太快，1日就完咗，希望可以將個婚禮延長搞多幾日。」他也想不到宣誓時會喊：「我一路讀個腦就一片空白，我好在意當時嘅情緒，希望日後都記住當日嘅每分每秒！」
談到新歌《絕地火星車》，內容涉及追夢、探索及經歷高山低谷的元素，問到演藝生涯中最難捱的時間？他有感而發：「負面新聞最多嘅時段，情緒真係好難控制，好彩有太太何雁詩喺背後一直支持同鼓勵。我平時錄音都唔鍾意有其他人喺度影響情緒，但錄呢首歌時，我第1次邀請佢嚟聽，因為有句歌詞我想同佢講。」訪問中，同事捧着蛋糕提前為他慶生，他希望疫情盡快過去，最緊要人人有工開。