張曦雯咀足3分鐘 獲讚最好錫

將會返內地與老婆楊茜堯齊齊掘金的羅子溢，昨日與張曦雯（Kelly）、張秀文及韋家雄等為劇集《木棘証人》結局篇宣傳。眾人玩遊戲，Kelly被整個人抬起，令全場嘩然。子溢台上自爆將會有「好戲」睇，原來是與Kelly有咀戲，若未有刪剪則會長達3分鐘！受訪時問到屆時會否叫太太「避席」？他笑說：「控制唔到喎！但大家應該用欣賞嘅角度去睇。（拍咗咁耐戲，邊個對手最好錫？）依家問，梗係張曦雯啦！」Kelly則讚子溢咀得專業：「佢知道點樣帶領去做，場戲有好多唔同嘅錫法。（擔心男友睇到？）佢有追睇，一齊睇會尷尬，所以我會出街食飯。」