鄭伊健撐新導演：有工開好興奮

鄭伊健、任賢齊、潘燦良及談善言昨日出席電影《大Project》開鏡，談到該片選用新導演，問到演員可有減收片酬？伊健笑住避談，坦言有工開已經好開心，因已很久沒拍電影，任賢齊亦指與劇組人員久別重逢：「希望之後可以多啲戲開，其實今次都係伊健叫我返嚟支持新導演。（你都好耐冇拍戲？）之前為角色增肥咗兩年，套戲依家都未知係咪繼續拍，見步行步。」
近期少拍電影的鄭伊健，全力支持新進導演。
近期少拍電影的鄭伊健，全力支持新進導演。

伊健對於好友錢國偉離世，表示心情一定要平復：「雖然一個相識多年嘅朋友離開，但會以樂觀態度面對，佢可能係先去另一個地方準備好，我哋遲啲再過去。」

於疫情下開工，眾人互相勉勵打氣一番。
  • 於疫情下開工，眾人互相勉勵打氣一番。