楊明有晒Plan 離港影婚照
楊明、車婉婉與黃嘉樂昨日在石澳海邊為新劇《我家無難事》取景，飾演設計師的楊明與嘉樂，分別幫穿婚紗的Model攞反光板及拿裙尾，而婉婉則做攝影師影相。講到現場風景優美，問可考慮與女友莊思明前來影婚紗相？楊明說：「我想喺外地影，香港就影啲簡單相，依家呢啲天氣好適合影婚紗相。（幾時到你？）盡快啦！依家忙拍劇。（想出年？）希望啦，承你貴言。」
談及主演新片上映未有期，楊明坦言不知發生何事：「我盡咗演員嘅最大努力，上映或者收唔收得，我控制唔到。」而婉婉透露3星期以來，日以繼夜、夜以繼日工作，半夜收工回家仍要幫囝囝睇通告及功課。