朱敏瀚獲余思霆讚正
藝人朱敏瀚於劇集《反黑路人甲》演打手「陸秋」獲大批網友喜歡，雖然劇集已大結局，但網友對他的熱愛度亦未減退。日前他出席活動時，坦言對於反應比預期好感意外：「畀到我嘅另一面觀眾睇，記得劇入面我有場中槍戲份，播出之後收到好多唔同地方嘅網友留言，問我係咪要死或者殘廢，仲上心過我。」
他指女友余思霆每晚也黐住電視機捧場，相當窩心：「唔只女友，屋企人都好支持我，女友評價係話『正』囉！（想唔想再同女友合作？）有得合作我唔會介意，就算再演情侶都唔會厭。（之前情侶檔直播同網友互動，係咪被催婚？）我哋有傾過，心目中有共識，但如果手上工作做得唔好，就做唔到之後嘅嘢，所以冇定一個時間，希望做到啦！」