張曦雯期待三角關係
藝人張曦雯（Kelly）、高鈞賢及蔣家旻昨日為健身室擔任開幕嘉賓，Kelly透露自今年4月拍畢《踩過界2》後，一直處於休息狀態：「男朋友有叫我去行山，不過我怕曬黑又怕熱。（已經同居？）唔算完全同居，係因為我啲貓貓狗狗需要人照顧，工人姐姐又唔係好識，佢咪過嚟幫我睇。（唔驚相見好同住難？）唔會啦！如果要鬧交，平日都可以，我哋兩個嘅相處比較和平，好少拗撬。」
高鈞賢想拍多啲無綫劇
她透露下月開始為《白色強人2》開工：「今次故事發生喺兩年後，講我同郭晉安及陳豪有類似三角關係。（好沉重？）應該係輕鬆嘅，陳豪好多角色好詼諧，相信觀眾會睇得好開心。」同劇還有唐詩詠及胡定欣等坐鎮，令Kelly相當期待。
高鈞賢宣布正式回歸香港：「本來諗住返嚟探親啫，不過見到樂小姐（樂易玲），佢帶我去見珍姐（曾勵珍），我依家簽咗邵氏，嚟緊都想拍多啲無綫劇。（年期好長？）約5年。」他又透露已有位感情穩定的女友，但不想講太多感情生活。
