Super Girls三缺二玩足9粒鐘
女子組合Super Girls因疫情關係久未合體，成員Jessica、Cheronna及Yanny日前終於重聚，相約打邊爐，不過Aka及Heidi未有現身。
Jessica在社交網晒合照，見她們玩睡衣派對，並留言透露玩足9小時：「好耐冇見佢哋，一見就太多嘢講，咩都想Update……食完3個鐘火鍋都未講晒，決定去Yanny屋企再傾過！三個飲梅酒、食薯片、攤喺梳化，傾咗差唔多6個鐘，返屋企之後有一種虛脫嘅感覺。不過我好鍾意呢種活動，下次嚟我屋企，我煮台灣菜畀你哋食。」