藝人黃建東（東東）一向是「狗癡」，最近網晒攬實雪撬犬的短片，他說：「隻狗叫做Cash，係江俊霖同白雲兩公婆養嘅。我同江俊霖係同屆『香港先生』，平時都會定時見面。第一次見Cash嗰陣只得4個月大，依家已經9個月，大個仔喇！」
談到與Cash的相處，東東說：「Cash比較感性，成日好想表達自己嘅情緒，所以好多嘢講！我直頭當佢係人咁傾偈，同講吓心事。」他坦言因居住環境擠迫，暫時未能做狗主：「他朝等我做咗業主，一定會養狗陪自己，我好想養雪撬或者柴犬。」
