馮盈盈橫財失利「燈神」輸剩10蚊

馮盈盈狂操腹肌，但唔及事業線有睇頭。

無綫藝人馮盈盈及湯洛雯昨日於將軍澳電視城出席「myTV SUPER 18台開台滿月慶祝儀式」，期間她們與五位王牌主持方駿暉、積奇、文東、馬可思及郭世浩等齊切蛋糕慶祝開台一個月之喜。馮盈盈自認小時候有博彩運，幫父親揀馬贏錢，但長大後自己投注卻變成「燈神」，投注戶口更輸剩十元。

拍拖做Gym

談到近日在社交網晒做運動兼勁騷「事業線」，她笑說：「事業線唔係重點，最重要係操到有啲腹肌，我同男友寶寶一齊做Gym，佢依家都有腹肌同老鼠仔，我哋喺屋企仲扮名模甫士照鏡。（有冇着衫？）有啲嘅。（寶寶批准晒性感相？）梗係冇問佢，事後都有讚我腹肌有成果。」

湯洛雯嚇窒追求者

湯洛雯近日與失婚劉愷威傳緋聞，還有個多星期才開劇的她，可會趁空閒約會追求者？她笑說：「冇呀，等你哋介紹，你哋都要寫我單身先得o架，唔好再有緋聞啦，嚇親啲追求者。」她又指與劉愷威傳緋聞後雙方沒聯絡，因事件實在太荒謬。提到「舊愛」羅天宇送上祝福，她笑說：「佢試吓唔祝福我！其實都唔係真，祝福啲咩？哈哈！」而羅天宇昨日32歲生日，一班圈中好友為他搞派對慶祝，包括蔣家旻、緋聞男女郭子豪與鄧卓殷、劉佩玥、莊思明和林師傑等，但未見湯洛雯身影。

放大圖片	湯洛雯坦言被緋聞搞到冇仔埋身。